Магистратура. Түсу

Магистратураға түсетін үміткерлер білім беру бағдарламалары тобын оқыту бағытын анықтау керек. Үміткерлер шет тілінде, білім беру бағытында, сондай-ақ, екі арнайы пән бойынша тест тапсырулары керек.

Магистратураға қабылдау

• КТ-ға қатысу үшін өтініштерді қабылдау күнтізбелік жылғы 3-25 шілде аралығында жүргізіледі – өтініш пен құжаттарды сіз мекен ететін қаладағы кез келген жоғары оқу орнында тапсыруға болады
• КТ күнтізбелік жылдың 8 – 16 тамызы аралығында өткізіледі.
• Республикалық бюджет есебінен білім беру гранттарын тағайындау бойынша конкурсқа қатысуға өтініштерді қабылдау мерзімі – 17-20 тамыз (білім беру бағдарламалар тобының бірін және 3 жоғары оқу орнын таңдау)
• Кешенді тестілеу сертификаты баллдары бойынша гранттарды тағайындау – 24 тамыздан бастап
• Қабылдау – 17-28 тамыз

КТ-ға қатысу үшін құжаттарды қабылдау

КТ-ға қатысу үшін түсуші желілік ЖОО-ның қабылдау комиссиясына және/немесе ақпараттық жүйе арқылы келесі құжаттарды тапсырады:

1) өтініш;

2) жоғары білімі туралы құжат (түпнұсқа, қабылдау комиссиясына құжат тапсыру кезінде);

3) жеке басын куәландыратын құжаттың көшірмесі;

4) 3×4 сантиметр өлшемді екі фотосурет;

5) «Денсаулық сақтау ұйымдарының бастапқы медициналық құжаттама нысандарын бекіту туралы» Қазақстан Республикасы Денсаулық сақтау министрінің м.а. 2010 жылғы 23 қарашадағы № 907 бұйрығымен бекітілген (Нормативтік құқықтық актілерді мемлекеттік тіркеу тізілімінде № 6697 болып тіркелген) (бұдан әрі – № 907 бұйрық) 086-У нысанындағы медициналық анықтама;

6) тестілеуге қатысу үшін ақы төлегені туралы түбіртек.

7) құжаттарды сақтауға арналған баулы папка және А5 конверті;

Шет тілін меңгерудің жалпы еуропалық құзыреттеріне (стандарттарына) сәйкес шет тілін меңгергенін растайтын бір халықаралық сертификаттары бар тұлғалар мынадай тілдер бойынша магистратураға КТ-ның шет тілі бойынша тестінен босатылады:

ағылшын тілі: Test of English as a Foreign Language Institutional Testing Programm (TOEFL ITP) – кемінде 163 балл, Test of English as a Foreign Language Institutional Testing Programm Internet-based Test (TOEFL IBT), шекті балл – кемінде 46, Test of English as a Foreign Language Paper-based testing (TOEFL PBT), шекті балл – кемінде 453, Test of English as a Foreign Language Paper-delivered testing (TOEFL PDT), шекті балл – кемінде 65, International English Language Tests System (IELTS), шекті балл – кемінде 5.5;

неміс тілі: Deutsche Sprachpruеfung fuеr den Hochschulzugang (DSH, Niveau C1/С1 деңгейі), TestDaF-Prufung (Niveau C1/С1 деңгейі);

француз тілі: Test de Franзais International™ (TFI) – оқу және тыңдалым секциялары бойынша B1 деңгейден төмен емес, Diplome d’Etudes en Langue franзaise (DELF), B2 деңгейі, Diplome Approfondi de Langue franзaise (DALF), C1 деңгейі, Test de connaissance du franзais (TCF) – кемінде 400 балл.

Шет тілі (ағылшын, француз, неміс) бойынша тест тапсырғаны туралы сертификаты бар тұлғаларға 50 балл есептеледі.

Ұсынылатын сертификаттардың түпнұсқалығы және жарамдылық мерзімі ЖЖОКБҰ-ның қабылдау комиссияларымен тексеріледі.

Магистратураға түсушілер өтініште білім беру бағдарламаларының бір тобын және 3 (үш) ЖЖОКБҰ-ға дейін көрсетеді.

КТ, түсу емтихандарының нәтижелері өткізілген күні жарияланады.

Бірінші тәсіл – төлемді төмендегі реквизиттер бойынша жасауға болады:

ҚР БҒМ «Ұлттық тестілеу орталығы» РМҚК

010011 Астана қ., Жеңіс даңғылы, 60

РНН 600300086081, БИН 000140001853

ИИК KZ536010111000001515

БИК HSBKKZKX, КБЕ 16

«Қазақстан халық банкі» АҚ.

Түбіртектерде міндетті түрде – «Магистратура кешенді тестілеу үшін төлем» деп көрсету қажет – 8292 тенге

Кешенді тестілеу бейінді пәндері көрсетілген білім беру бағдарламалары топтарының тізбесі

Кешенді тестілеуді өткізу қағидалары