- «Семей медицина университеті» КеАҚ-на кім түсе алады?
Жалпы орта, техникалық және кәсіптік, орта білімнен кейінгі, жоғары білімі бар тұлғалар.
- «СМУ» КеАҚ бакалавриатқа қалай түсуге болады?
- Ұлттық бірыңғай тестілеуден (ҰБТ) өту.
- Психометриялық емтихан тапсыру (Жалпы медицина, Стоматология, Мейірбике ісі, Педиатрия)
- Грант конкурсына қатысу.
- «СМУ» КеАҚ-ның қабылдау комиссиясына қабылдау үшін құжаттарды тапсыру.
- ҰБТ-ны кім тапсырады?
- ағымдағы жылғы мектеп түлектері;
- өткен жылдардағы мектеп түлектері;
- мемлекеттік білім гранттарын алуға үміткер колледж түлектері;
- халықаралық алмасу желісі бойынша шетелде білім алған түлектер және Қазақстан Республикасының азаматы болып табылмайтын, шетелде оқыған ұлты қазақ тұлғалар.
- Колледж түлектері ҰБТ тапсырама, КТА емес пе?
- туыс емес мамандық бойынша мемлекеттік білім грантын алуға үміткер колледж түлектері жалпы негізде ҰБТ тапсырады 5 пән бойынша.
- ұқсас мамандық бойынша мемлекеттік білім грантын алуға үміткер колледж түлектері 2 пән бойынша ҰБТ тапсырады.
- Грантқа қалай түсуге болады?
Ағымдағы жылдан бастап талапкердің ҰБТ тапсыруға 2 мүмкіндігі болады, ол сәуір мен маусым аралығында жалғасады. Әрбір талапкердің осы 100 күнде ҰБТ-ны 2 рет тапсыруға мүмкіндігі болады. Талапкер сәуір мен маусым аралығында тапсырылған екі сертификаттың кез келгенімен грант конкурсына қатысуға өтінім бере алады.
Талапкерлер тіркеуден Ұлттық тестілеу орталығының сайтында өтеді www.testcenter.kz
Мемлекеттік білім грантын тағайындау конкурсына қатысу үшін ҰБТ 15 сәуірде басталып, 30 маусымға дейін жалғасады. Тестілеу электрондық форматта жүргізіледі. ҰБТ-ға өтінішті сайтта беруге болады http://app.testcenter.kz/.
- Грантқа өту балы қандай?
Грантқа өту баллы жоқ. Мемлекеттік білім беру гранттарын мемлекет конкурстық негізде береді. Гранттарды ҰБТ-да ең жоғары балл жинаған студенттер алады. Ал ең жоғары балл ағынға байланысты болады. Конкурс толығымен Мемлекеттік болып табылады және іс жүзінде ештеңе ЖОО-ға байланысты емес.
- ҰБТ-ға қандай пәндер тапсырады?
Міндетті пәндер:
Қазақстан тарихы-15 балл (15 тапсырма)
Оқу сауаттылығы-20 балл (20 тапсырма)
Математикалық сауаттылық-15 балл (15 тапсырма)
🔻 Бейіндік пәндер:
Биология және Химия-1-ден 20-ға дейін тапсырмалар ұсынылған бес жауаптан бір дұрыс жауапты таңдау ұсынылады.
21 – ден 25-ке дейін ұсынылған бес жауаптан бір дұрыс жауапты таңдау ұсынылады.
26-дан 35-ке дейін ұсынылған жауаптардың ішінен бір немесе бірнеше дұрыс жауаптарды таңдау ұсынылады.
Бейінді пәндер бойынша тест тапсырмаларының барлығы – 35.
◾️ Тестілеу уақыты-240 минут
️ ️ ҰБТ балдарының ең көп саны-140 балл
- ҰБТ қашан өткізіледі?
Ағымдағы жылдын 15 сәуір – 30 маусым аралығында.
- 9. Грант конкурсына кімнің басым құқығы бар?
Білім беру грантын беруге арналған конкурс өткізілген кезде, ҰБТ-да баллдар тең болған жағдайда басым құқық мынадай кезектілік бойынша беріледі:
1) «Алтын белгi» белгiсімен марапатталған тұлғалар;
2) біліктілігін растаған және мамандығы бойынша кемінде бір жыл жұмыс өтілі бар колледж түлектері;
3) жалпы білім беретін пәндер бойынша халықаралық олимпиадалар мен ғылыми жобалар конкурстарының (ғылыми жарыстардың) (бірінші, екінші және үшінші дәрежелі дипломдармен марапатталған), орындаушылардың халықаралық және республикалық конкурстары мен спорттық жарыстардың (бірінші, екінші және үшінші дәрежелі дипломдармен марапатталған) соңғы үш жылдағы жеңімпаздары;
жалпы білім беретін пәндер бойынша президенттік, республикалық олимпиадалар мен ғылыми жобалар конкурстарының (бірінші, екінші және үшінші дәрежелі дипломдармен марапатталған) өздері таңдаған мамандығы олимпиаданың, конкурстың немесе спорттық жарыстың пәніне сәйкес келген жағдайда ағымдағы оқу жылының жеңімпаздары;
4) жетiм балалар мен ата-анасының қамқорлығынсыз қалған балалар, сондай-ақ кәмелетке толғанға дейін ата-аналарынан айырылған немесе ата-анасының қамқорлығынсыз қалған жастар қатарындағы Қазақстан Республикасының азаматтары;
5) бірінші және екінші топтардағы мүгедектер, жеңілдіктері мен кепілдіктері бойынша Ұлы Отан соғысының қатысушылары мен мүгедектеріне теңестірілген тұлғалар, мүгедек балалар;
6) үздік білімі туралы құжаттары (куәліктері, аттестаттары, дипломдары) бар тұлғалар.
- Грант конкурсына қатысу үшін қанша балл жинау қажет?
«Денсаулық сақтау және әлеуметтік қамтамасыз ету (медицина)» білім беру саласы бойынша – кемінде 70 балл, оның ішінде әр пән бойынша – кемінде 5 балл жинау қажет.
- Гранттар конкурсына қатысу үшін өтініштерді қабылдау кезені қашан босталады?
Білім беру грантын беруге арналған конкурсына өтініш қабылдау:
республикалық бюджет қаражаты есебінен (мем. грант): ағымдағы жылдың 13.07 – 20.07 аралығында
жергілікті бюджет қаражаты есебінен (облыс әкімінің гранты): ағымдағы жылдың 05.08 – 10.08 аралығында.
- Грант конкурсына қатысу үшін қандай құжаттар тапсыру қажет?
Білім беру грантын беруге арналған конкурсына қатысу үшін оқуға түсуші қабылдау комиссиясына немесе ақпараттық жүйе арқылы келесі құжаттарды тапсырады:
1) белгіленген үлгідегі бланкіде өтініш (ЖОО-да беріледі);
2) білімі туралы құжат (құжаттарды қабылдау комиссиясына тапсырған кезде түпнұсқасын ұсыну қажет);
3) ҰБТ сертификаты (құжаттарды қабылдау комиссиясына тапсырған кезде);
4) 086-У нысанындағы медициналық анықтама электрондық форматта;
5) жеке басын куәландыратын құжаттың көшірмесі.
- «Психометрикалық емтихан» деген не?
Психометриялық емтихан компьютерлік диагностика құралдарына жататын, арнайы бағдарламалық қамтамасыз ету арқылы, компьютерде тестілеу түрінде өтедін арнайы емтихан. Психотестердің негізгі мәні – кәсіби бағдар, кәсіби іріктеу. Тестілерді тексеру және нәтижелерді талдау толығымен компьютерленген.
- Психометрикалық емтиханді кім тапсырады?
«Жалпы медицина», «Педиатрия», «Стоматология», «Мейіргер ісі» жоғары білімнің білім беру бағдарламаларының топтары бойынша оқуға түсуге ниет білдірген тұлғалар.
- Психометриялық емтихан қайда және қашан тапсыра аламын?
Арнайы емтиханды тапсыру үшін өтініштерді қабылдау денсаулық сақтау саласындағы білім беру ұйымының немесе ЖЖОКБҰ медициналық факультеттерінің орналасқан жері бойынша күнтізбелік жылдың 20 маусымынан 24 тамызына дейін жүзеге асырылады.
Арнайы емтихан мемлекеттік грант беруге арналған конкурсқа құжаттар беретін тұлғалар үшін күнтізбелік жылдың 8-13 шілде аралығында өткізіледі, ақылы негізде түсетін адамдар үшін – 1 тамыздан бастап.
- Психометриялық емтихан тапсыру үшін қандай құжаттар қажет?
Психометриялық емтиханға қатысу үшін сайтта келесі құжаттарды pdf форматында тіркей отырып, онлайн-өтінімді толтыру қажет:
1) жалпы орта немесе техникалық және кәсіптік, орта білімнен кейінгі білімі туралы құжат;
2) жеке басын куәландыратын құжаттың көшірмесі;
3) ҰБТ сертификаты (бар болса).
- Түсу үшін құжаттарды қай күнге дейін тапсыруға болады?
Ағымдағы жылдың 25 тамызына дейін.
- Жылына оқу ақысы қанша болады?
Бакалавриаттың барлық факультеттерінде оқу құны жылына 800.000 теңге.
«Мейіргер ісі» қысқыртылған білім беру бағдарламасы бойынша оқу ақысы жылына 300.000 теңге.
Университетте икемді төлем жүйесі және әрқайсысына жеке көзқарас жұмыс істейді.
- Сізде жеңілдіктер бар ма?
Өкінішке орай жоқ.
- Сіздерде әскери кафедра бар ма?
Әскери кафедра бар. Әскери кафедраға оқуға қабылдау үшін 2 курс студенттері конкурстық іріктеуден өтеді (психотест, медициналық тексеру, дене дайындығы және үлгерімі бойынша нормативтерді тапсыру және т.б.).
Әскери дайындықты оқытудың мақсаты – ҚР Қарулы Күштері үшін соғыс уақытында, келесі лауазымдарда міндеттерді орындауға қабілетті, запастағы медициналық қызмет офицерлерін даярлау:
а) «Жалпы медицина» мамандығы бойынша бітірген студенттер – медициналық рота дәрігерін, медициналық бөлімінің, мекеменің дәрігерін;
б) «Жалпы стоматология» факультетін бітірген студенттер – медициналық рота дәрігерін, медициналық бөлімінің, мекеменің дәрігерін.
- ЖОО келген студенттерге жатақхана беріле ме?
Жатақхана бюджеттік және келісім шарт негізінде барлық мамандықтарға түскен басқа қаладан келген студенттерге беріледі.
- Жатақханада тұру айына қанша тұрады? Қандай құжаттар қажет?
Ақылы қызмет көрсету бағасының Прейскурантына сәйкес, жатақханаға тұру айына 8400 тнг құрайды.
Құжаттарды ресімдеу және жатақханаға орналастыру, университетке қабылдағаннан кейін, 26 тамызынан басталады.
Жатақханаға жолдама алу үшін тұруға өтініш беру қажет.
Жатақханаға келесі құжаттарды ұсыну қажет:
– қоныстануға жолдама (түпнұсқа);
– деканның визасымен тұруға өтініш (түпнұсқа);
– тұру үшін төлем туралы түбіртек (көшірме);
– жеке басын куәландыратын құжат (көшірме);
– педикулездің жоқтығы туралы мед. анықтама (педикулездің бар-жоғына медициналық тексеру университеттің медициналық пунктінің қызметкерлерімен жүргізіледі).
- Академиялық ұтқырлық бар ма?
Иә, біздің ЖОО-да академиялық ұтқырлық бойынша 2 курстан оқуға мүмкіндік бар. Ішкі (Қазақстан Республикасының жоғары оқу орындарында) және сыртқы академиялық ұтқырлық (Түркия, Анкара қ., Baskent University, Ресей, Мәскеу қ., Н.И. Пирогов атындағы Ресей ұлттық медициналық зерттеу университеті және т.б.) бар. Сондай-ақ болашақта Нагасаки университетінде (Жапония) апат медицинасы және радиациялық әсер ету саласындағы магистратура бағдарламасы бойынша оқуға мүмкіндік бар.
- Казанский Государственный Медицинский Университет, Россия
- “Российский Национальный Исследовательский Медицинский Университет имени Н.И.Пирогова”, Россия
- ФГБОУ ВО “Алтайский Государственный Медицинский Университет”, Россия
- ФГБОУ ВО «Воронежский Государственный Медицинский Университет им.Н.Н.Бурденко», Россия
- ФГБОУ Рязанский государственный медицинский университет им. И.П.Павлова, Россия
- Бухарский государственный медицинский Институт, Узбекистан
- Башкирский государственный медицинский университет, Российская Федерация
- Таджикский государственный медицинский университет имени Абуали Ибни Сино
- Ағылшын тілінде оқу мүмкіндігі бар ма?
«Жалпы медицина» және «Стоматология» мамандықтары бойынша ағылшын тілінде оқитын топтарда оқуға мүмкіндік бар. Ол үшін университетке қабылданғаннан кейін конкурсқа қатысу үшін 28 тамызға дейін өтініш жазу қажет. Ағылшын бөліміне қабылданудың басым құқығына халықаралық сертификаттары бар, ағылшын тілін меңгергендігін растайтын талапкерлер ие: Test of English as a Foreign Language Institutional Testing Programm Internet-based Test (TOEFL IBT, шекті балл – 59-дан кем емес), International English Language Tests System (IELTS, шекті балл – 5.0-ден кем емес); «Назарбаев Зияткерлік мектептері» және «Білім инновация лицейі» АҚ-ның түлектері, ағылшын тілінен халықаралық олимпиадалардың жеңімпаздары, Intermediate жоғары деңгей сертификаттарының иегерлері.
- Білім беру грантын өтеу керек пе?
ҚР-ның «Білім туралы» Заңның 47-бабының 17-тармағына сәйкес:
жоғары және (немесе) жоғары оқу орнынан кейінгі білім беру ұйымын аяқтағаннан кейін міндетті үш жылдық жұмысты өтеу мемлекеттік білім беру тапсырысы негізінде оқыған азаматтарға жүктелген:
- квота шегiнде педагогтік, медициналық және ветеринарлық мамандықтар бойынша ауылдық жерде орналасқан мемлекеттік бiлiм беру ұйымдарында, мемлекеттік медицина ұйымдарында, ветеринария саласында қызметін жүзеге асыратын мемлекеттік органдар бөлімшелерінде не мемлекеттік ветеринария ұйымдарында;
- білім беру грантын педагогтік және медициналық мамандықтар бойынша мемлекеттік білім беру ұйымдарында және мемлекеттік денсаулық сақтау ұйымдарында;
- білім беру грантын барлық басқа мамандықтар бойынша меншік нысанына қарамастан ұйымдарда (2017 жылдан бастап оқуға түскендер, жас мамандар) өтеуге міндетті.
- Сіздер түлектерді жұмысқа орналастырасыздар ма?
Иә, жыл сайын медициналық мамандықтар үшін Қазақстан Республикасы Денсаулық сақтау министрлігінде жас мамандарды дербес бөлу жөніндегі Комиссия құрылады.
- ҚР-ның «Білім туралы» Заңның 47-бабының 17-тармағына сәйкес, егер бітіруші педагогикалық және медициналық мамандықтар бойынша мемлекеттік грант бойынша оқуды аяқтаса, жас маман жұмысқа орналастырылады және мемлекеттік білім беру/денсаулық сақтау ұйымдарында жұмыс істеуге міндеттеледі;
- ҚР-ның «Білім туралы» Заңның 47-бабының 17-тармағына сәйкес, егер түлек педагогикалық және медициналық мамандықтар бойынша ауылдық квота бойынша оқуды аяқтаса, жас маман жұмысқа орналастырылады және ауылдық жерде орналасқан мемлекеттік білім беру/денсаулық сақтау ұйымдарында жұмыс істеуге міндеттеледі;
- егер түлек оқуды облыс әкімінің гранты бойынша аяқтаса, жас маман жұмысқа орналастырылады және жергілікті атқарушы органның жолдамасы бойынша өңірде жұмыс істеуге міндеттеледі.
- Қазақстанда мемлекеттік білім гранттарын алу үшін ауылдық квота қалай жұмыс істейді?
Ауыл жастары үшін квота қарастырылған білім беру бағдарламалары топтарына арналған Конкурс мынадай түрде өткізіледі: осы топтар бойынша гранттардың жалпы санының 70 пайызы жалпы конкурс тәртібімен беріледі, ал қалған 30 пайызы тек ауыл жастары арасында конкурс өткізеді.
Бірақ ауылдық квота қолданылатын тізбеге барлық мамандықтар кірмейді. Негізінен педагогикалық, медициналық, ветеринарлық мамандықтар ғана.
Жыл сайын Қазақстан Республикасы Білім және ғылым министрінің бұйрығымен, Қазақстан Республикасының жоғары және жоғары оқу орнынан кейінгі білім беру ұйымдарына қабылдау квотасы көзделетін, ауылдың әлеуметтік-экономикалық дамуын айқындайтын білім беру бағдарламалары топтарының айқындалатын тізбесі бекітіледі.
- Қазақ мектебін бітіріп, орыс тілінде оқуға өтініш бере аламын ба?
Әрине болады. Қазақстан Республикасы Білім және ғылым министрінің 2017 жылғы 2 мамырдағы № 204 “Ұлттық бірыңғай тестілеуді өткізу және “Ұлттық бірыңғай тестілеуді тапсыру туралы сертификат беру” мемлекеттік қызмет көрсету қағидаларын бекіту туралы ” бұйрығының 16-тармағына сәйкес оқуға түсушілер ҰБТ-ны қалауы бойынша қазақ немесе орыс немесе ағылшын тілдерінде тапсырады.
