Ішкі аурулар пропедевтикасы кафедрасы 1955 ж.  Семей қаласының 1-ші қалалық аурухана базасында құрылған. 1961-1974 жылдар аралығында кафедра теміржолшылар ауруханасында болды, 1974 ж бастап, бүгінгі күнге дейін №2 қалалық аурухана (бұрынғы – Еткомбинатының   медикалық  санитарлық     бөлімі)    кафедраның негізгі  базасы  болып  табылады.  Кафедра   меңгерушілері болыпкезінде Спивак  Р.Я.  (1955-1957),  Рахманова  А.М.  (1957- 1690),  Вайнцвайг  П.М  (1961-1971),  Бабаева  Е.К. (1971-1976), Зверев М.Е.   (1977-1989),  Сагандыков   Б.Б   (1990-1997),  Жумамбаева Р.М.(1997-2014) қызмет етті. 2014 ж. бастап кафедра меңгерушісі қызметін Даутов Д.Х. атқарады. Кафедра оқытатын негізгі пәні –  ішкі  аурулар пропедевтикасы. Соңғы жылдары кафедраға «Клиникаға кіріспе» (жалпы   медицина),   «Ішкі    аурулар»     (стоматология),   «Клиникалық      медицинаға   кіріспе (денсаулық сақтау), «Мейірбике ісі негіздері» (мейірбике ісі) атты пәндер қосылды. Кафедраның ғылыми-зерттеу  жұмыстарының  негізгі  бағыттары  әр  жылы әр-түрлі болды.  Гипертониялық ауру,  описторхоз,  ревматизм   мәселелері,   ревматизм   кезіндегі бүйрек  үсті  қыртысының   гормондары,   ішкі   аурулар   клиникасындағы   лазерлік   терапия және т.б. 

Ішкі аурулар пропедевтикасы кафедрасы

Кафедра қызметкерлері №2 қалалық аурухананың терапия, гинекология және неврология бөлімшелерінде клиникалық жұмыстарын атқарады. Университеттегі кафедралар арасындағы әдістемелік жұмыстар және медициналық  білім  беруде инновациялық оқыту әдістерін енгізу қортындылары бойынша кафедра бірнеше рет алдыңғы орындарды иеленді, оның ішінде 2009-2010 оқу жылында І-ші орынмен марапатталды.

Кафедра Финляндия, Словения және Нидерланд Университеттерімен бірлесіп, Жоғарғы Мейірбикелік Білім беру потенциалын қолдау бойынша Erasmus+ жобасын іске асыруда. Шет елдік Ювяскюля және Лахти қалаларының қолданбалы ғылым Университеттерімен серіктестік біздің университеттегі «Мейірбике ісі» факультетінде білім беру сапасын арттырды.

Кафедра қызметкерлері: Кафедра штатында кафедра меңгерушісі, доцент,  кафедра ассистенттері және лаборанттар қызмет атқарады. (Барлығы  12 штаттық қызметкерлер). Кафедраның  3   қызметкері   ғылым   кандидаттары  және   2   ассистент   «Медицина» мамандығы бойынша, 2 оқытушы «Мейірбике ісі» мамандығы бойынша магистрлар.

Кафедра қызметкерлері №2-ші қалалық  ауруханадан  басқа  да  базаларда  яғни,  №1  ші Қалалық емханада, Қалалық қарттар үйінде тәжірбиелік сабақтар өткізеді.

Қазіргі уақытта кафедра қызметкерлері: Токабаев  А.К., м.ғ.к, доцент, Орынбасарова Б.А.,оқу ісінің меңгерушісі, Жазыкбаева Л.К, м.ғ.к,  оқу  ісінің  меңгерушісі,  Рахимбекова Г.К., Жетмекова Ж.Т., Петрова Ю.В., Шарапиева А.М., Кусаинова А.А.

Даутов Даулет Хапасович – м.ғ.к, доцент, ҚР денсаулық сақтау  үздігі,  2014  жылдан бастап кафедра меңгерушісі қызметтерін атқарады. Қызығушылық саласы: кардиология, пульмонология, кандидаттық дисертацияны «Пульмонология» шифры бойынша қорғады. Клиникалық тәжірибені кардиология бойынша  шетелде  (Израиль  2011)  өтті.  100  жуық ғылыми мақалалардың, 1 оқулықтың авторы.

Кафедра қызметкерлері  10  жыл көлемінде  оқу  үрдісінде  белсенді  қолданылатын,20 дан астам оқу – әдістемелік нұсқауларды және тәжірибелік дағдылар  бойынша оқу бейнефильмдерін3 тілде құрастырып шығарды. 2014 жылы «Гэотар-Медиа» (Москва) баспасымен бірлесіп «Терапия клиникасындағы науқастың  жалпы  күтімі»  атты  аударма оқулығы шығарылды. Кафедра меңгерушісі Даутов Д.Х. «3D  Конструктор  внутренних болезней  Боткин»  атты  компьютерлік  оқыту   бағдарламасын   жасап   шығарумен айналысатын халықаралық топтың қатысушысы болып табылады.

Ішкі аурулар пропедевтикасы кафедрасы