Қоғамдық денсаулық сақтау, стоматология, фармация және мейіргер ісі мектебі

Қожахметова Дана Кенжебаевна

1999 жылы Семей мемлекеттік медицина академиясының емдеу факультетін, 2000 жылы «Жанұялық дәрігер» мамандығы бойынша интернатураны үздік аяқтады.

2000-2003 жылдары Семей қаласының жанұялық амбулоаториясында жанұялық дәрігер ретінде жұмыс істеді. 2003 жылдан бастап Семей Мемлекеттік медицина академиясына (қазіргі – НАО «МУС») ассистент болып қабылданды. Жұмыс барысында кафедраның СМЖ бойынша жауапты, оқу бөлімінің меңгерушісі, кафедра меңгерушісі қызметтерін атқарды. 2020 жылдың қыркүйек айынан бастап Медициналық білім сапасын бағалау бөліміне бас маманы, 2021 жылдың қараша айынан бастап Қоғамдық денсаулық сақтау, стоматология, фармация және мейірбике ісі мектебінің деканы лауазымына ауыстырылды.

Қожахметова Д.К. – терапевт, реабилитолог, медицина магистрі. 30-дан астам мақаланың, 2 монографияның, 3 авторлық куәліктің, 4 патенттің (ҚР, РФ) авторы. Қазақстан Республикасы Білім және ғылым министрлігінің гранттық зерттеулерде (2015 ж.), халықаралық көп орталықты зерттеулерде (2017, 2019 ж.) аға ғылыми қызметкер ретінде жұмыс істеді.

Медициналық білім беру ұйымдарында оқыту әдістемесі бойынша семинарларда, жобалық оқытуды енгізу, медициналық білім беру ұйымдарының процестеріне СМЖ енгізу, көшбасшылық, менеджмент бойынша семинарларда оқыды. Оқу үдерісінің сапасын бақылау бойынша жұмыс топтарының іс-шараларына қатысты.

E-mail: dana.kozhakhmetova@nao-mus.kz

Қабылдау уақыты: дүйсенбі-бейсенбі, 15.00-17.00

Бөлімнің құрылу тарихы. 2008 жылы кредиттік оқыту технологиясы енгізілгенге дейін университетте 3 деканат: емдеу ісі және медициналық-профилактикалық іс, педиатрия және стоматология, шетел бөлімі және фармация факультеттері деканаттары жұмыс істеді.  Ректордың 26.05.2008 жылғы  №102  бұйрығы негізінде  емдеу ісі, медициналық-профилактикалық іс, стоматология, фармация факультеттері мен қоғамдық денсаулық сақтау және мейірбике ісі факультеттері  және жалпы медицина,  педиатрия факультеттері  біріктірілген 2 деканат құрылды. 2010-2011 оқу жылында  деканат кредиттік оқыту технологиясы, емдеу ісі, стоматология факультеттері және шетел бөлімі деканаты болып аты өзгертілді. 2012-2013 оқу жылында «Емдеу ісі», «Педиатрия» мамандықтарының жойылуына байланысты деканат кредиттік оқыту жүйесі (КОЖ),  стоматология  және шетел бөлімі, жалпы медицина деканаттары  болып аталды. Дипломға дейінгі білім беру деканаты (ДДББД) 2016 жылы ректордың 29.08.2016ж. №194-а бұйрығымен құрылып, барлық бакалавриат мамандықтарын «Жалпы медицина», «Стоматология», «Қоғамдық денсаулық сақтау», «Мейірбике ісі», «Фармация» және шетел бөлімін біріктірді.  Құрылу жылына қарамастан деканаттың көпжылдық тарихы бар.  03.06.2019ж. ДДББ деканаты қоғамдық денсаулық сақтау, стоматология, фармация және мейіргер ісі Мектебі болып құрылды.