«Семей медициналық университеті» КЕАҚ тарихы мұражайы

1986 жылдың ақпанында мұражай қоғамдық негізде ашылды.

Мұражайдың негізін қалаушы доцент, медицина институтының жалпы хирургия кафедрасының меңгерушісі С.С. Шарипов.

Мұражай екі көрме залынан тұрады – «Университет тарихы» және «Мәншүк Мәметова – Кеңес Одағының Батыры әскери даңқ  залы»

Мұражайда медициналық университеттің құрылуынан бастап бүгінгі күнге дейінгі бүкіл тарихы мен қызметі, сонымен қатар Мәншүк Мәметованың өмірі мен ерліктерін бейнелейтін түпнұсқа және фото құжаттар көрсетілген.

Мұражайда кафедралар мен курстардың, факультеттердің, кітапханалардың қызметі, студенттік өмір, көркемөнерпаздар үйірмелері, спорттық ерліктер, мемлекеттік университет марапаттары ұсынылған.

«СМУ» КЕАҚ базасындағы мұражай – ғылыми құндылықтарды мақсатты түрде жинайтын, сақтайтын, экспонаттайтын мәдени мекеме. Мұражай жұмысы үш бағытта жүзеге асырылады:

  • тәрбиелік (студенттердің бойында патриоттық сананы қалыптастыру);
  • ғылыми зерттеулер (Отан тарихын зерттеу);
  • мәдени-сауық.

2009 жылдың қазан айынан бастап мұражай университеттің дербес құрылымдық бөлімшесі болды.

Бейбітшілік мұражайы

Бейбітшілік музейі 2007 жылы құрылды. Музейдің ашылуына  жыл сайын өтетін  «Экология. Радиация. Денсаулық» атты  Халықаралық конференциясы себеп болды. Конференияны ұйымдастырушылар Хиросимо және Нагасаки қалаларының ғалым-дәрігерлері.

Музейдегі құнды экспонаттар қатарына ғалымдардың өз қолдарымен табыстаған Хиросимо, Нагасаки қалаларының қайғылары туралы  туралы  фотоқұжаттары мен макеттері кіреді. Сонымен қатар, музейде ғалымдардың ядролық сынақтың адам өміріне, қоршаған ортаға тигізер әсерлері туралы еңбектері сақталған.

Экспонаттар мынандай бөлімдерден тұрады:

  1. Семей ядролық сынақ полигоны
  2. Ядролық сынақтар саласындағы ғылыми зерттеулер;
  3. Невада- Семей. Хирасима-Семей
  4. Хирасимо- Нагасаки атомдық бомбалары.
  5. Хиросима мен Нагасаки бүгінде
  6. Балалар бейбітшілік үшін.

Кеңес Одағының Батыры Мәншүк Мәметова  экспозициялық залы

Залдың ашылуына Семей медициналық институтының студенті Ділдаш Каштанованың “Ұлы Отан соғысы жылдарындағы Мәншүк Мәметованың Жауынгерлік ерлігі” атты зерттеуі және оның 1978 жылы Бүкілодақтық қоғамдық ғылымдар бойынша студенттік жұмыстар байқауындағы жеңісі себеп болды.

Бүгінде Кеңес Одағының Батыры Мәншүк Мәметованың мұражайы республикадағы бірегей музейлердің бірі. Оның экспонаттарының арасында кезінде Мәншүк Мәметова өз қолымен жазған өмірбаяны мен майдан даласында жазған хаттарының көшірмелері сақталған. 1920 жылдардың соңына дейін ол ата-анасымен Семей қаласында тұрып, бірінші сыныпқа №1 орта мектепке, Қазіргі Чернышевский атындағы мектепке барды.

Музей қорында құнды жәдігерлер болып, Мәншүк Мәметованың  соңғы жекпе-жегі Псков облысы Невел қаласындағы музейдің қорынан сыйға тартылған кеңес әскері мен неміс әскерінің каскалары болып саналады. Жалпы музей қорында  1 200-ге жуық экспонат бар.

“Кеңес Одағының Батыры М.Мәметова” музей экспозициясы бес бөлімнен тұрады: “Мәншүктің балалық шағы”, “Мәншүктің жастық шағы”, “Мәншүк ерлігі”, “Сарбаздар”. 1982 жылы М. Мәметова музейінің алғашқы секциясы ашылды.

Мәншүк Мәметова музейінің құрылуына тарих кафедрасының доценті Анна Лукьяновна Птущенко мен медицина институтының студенттері бастамашы болды.

Қазіргі уақытта мұражай 1942 жылы тамызда Алматы қаласында құрылған 100 атқыштар бригадасы туралы,  М.Мәметованың материалдық және рухани өмірі туралы деректер жинауда. Яғни қазақ жауынгері М. Мәметова туралы деректерді сақтауды және зерделеуді жалғастыруда.